ՆԱՏՕ-ի գլխավոր քարտուղար Մարկ Ռյուտեն հավաստիացնում է՝ դաշինքը շարունակելու է աջակցել Ուկրաինային՝ պաշտպանվելու Ռուսաստանի ռազմական հարձակումներից:
«Թույլ տվեք ևս մեկ անգամ հաստատել, որ նրանք (Ուկրաինան - խմբ.) պետք է հնարավորինս ամուր դիրքերում լինեն», - ասել է Ռյուտեն՝ ի պատասխան «Ազատություն» ռադիոկայանի ուկրաինական ծառայության թղթակցի հարցի։
Հյուսիսատլանտյան ռազմական դաշինքի ղեկավարի խոսքով՝ Ռուսաստանը շարունակում է մնալ ամենամեծ սպառնալիքը դաշինքի անդամ երկրների համար։
ՆԱՏՕ-ի անդամ երկրների արտգործնախարարները երեկ երկօրյա հավաք են նախաձեռնել Բրյուսելում, որին առաջին անգամ մասնակցել է ԱՄՆ պետքարտուղար Մարկո Ռուբիոն։ Հավաքի օրակարգում էր նաև Ուկրաինայի հարցը:
