Եվրամիությունը (ԵՄ) դադարեցնում է առանց վիզայի ռեժիմը դիվանագիտական անձնագրեր ունեցող վրաց դիվանագետների համար։ Այս որոշումը կայացրել են Եվրամիության 27 երկրների արտգործախարարների հավաքում։
Որոշումն ոժի մեջ կմտնի առաջիկա օրերին, հայտնում է «Ազատություն» ռադիոկայանի Եվրոպական բաժնի խմբագիր Ռիկարդ Յոզվյակը։
Սլովակիան և Հունգարիան դեմ են արտահայտվել, սակայն որոշման ընդունման վրա դա ազդեցություն չի ունեցել։
Ավելի վաղ Վրաստանի վարչապետ Իրակլի Կոբախիձեն, որի լեգիտիմությունը չի ընդունում ընդդիմությունը, հայտարարել էր, որ վիզային ռեժիմի չեղարկումը խորհրդանշական է և որևէ նշանակություն չի ունենա։ Դիվանագիտական անձնագիր ունեցողները կարող են Եվրամիության երկրներ այցելել սովորական անձնագրերով։
