ԱՄՆ մաքսավորները շաբաթ օրը սկսել են գանձել նախագահ Դոնալդ Թրամփի սահմանած միակողմանի 10 տոկոս մաքսատուրքը բազմաթիվ երկրներից ներկրումների համար, իսկ հաջորդ շաբաթ պետք է սկսվեն ավելի բարձր մաքսատուրքեր 57 խոշոր առևտրային գործընկերների ապրանքների համար:
Նախնական 10 տոկոս սակագինը ուժի մեջ է մտել ԱՄՆ ծովային նավահանգիստներում, օդանավակայաններում և մաքսային պահեստներում կեսգիշերից հետո:
Դոնալդ Թրամփը ապրիլի 2-ը հռչակեց Ամերիկայի «Ազատագրման օր» և մոտ 60 երկրից ներմուծվող ապրանքների համար 10 տոկոսից մինչև 50 տոկոս մաքսատուրք սահմանեց՝ փաստացի աշխարհին առևտրային պատերազմ հայտարարելով:
ԱՄՆ պետքարտուղար Մարկո Ռուբիոն իր հերթին այս մաքսատուրքերը քննարկել է Իսրայելի վարչապետ Բենյամին Նեթանյահուի հետ, ասվում է Պետդեպարտամենտի հաղորդագրության մեջ:
Չմակնշված իսրայելական ապրանքների արտահանումը Միացյալ Նահանգներ, որ Իսրայելի ամենամեծ առևտրային գործընկերն է, ենթակա է 17 տոկոս մաքսատուրքի:
