ԱՄՆ նորանշանակ պետքարտուղար Մարկո Ռուբիոն իր առաջին պաշտոնական այցը կկատարի հաջորդ շաբաթ՝ Պանամա։ Այս մասին, դիվանագիտական աղբյուրները վկայակոչելով, հաղորդում են Politico հանդեսն ու Bloomberg գործակալությունը։
Bloomberg-ի աղբյուրների փոխանցմամբ՝ Ռուբիոյի առաջին այցի վայրի ընտրությունը պետք է ընդգծի՝ «Պանամայի ջրանքցը վերադարձնելու հարցում Թրամփի վարչակազմի հաստատակամությունը»։
Պանամայի ջրանցքը ամերիկյան վերահսկողության տակ դնելու մտադրության մասին իր երդմնակալության արարողության ժամանակ հայտարարել էր նաև ԱՄՆ նորընտիր նախագահ Դոնալդ Թրամփը։
