Իսրայելի պաշտպանության նախարարը հայտարարել է, որ իր երկիրը չի մասնակցում Իրանի դեմ պատերազմը դադարեցնելու շուրջ հնարավոր բանակցություններին։
«Մեր ուշադրության կենտրոնում մեր քաղաքացիներն են և նրանց սպառնացող վտանգները», - ասել է Իսրայել Կացը։
Առողջապահության համաշխարհային կազմակերպության (ԱՀԿ) ղեկավարը խորը մտահոգություն է հայտնել Իրանի միջուկային օբյեկտների ուղղությամբ հնարավոր հարվածների վերաբերյալ՝ զգուշացնելով, որ դրանք կարող են «ուղիղ և երկարաժամկետ ազդեցություն ունենալ Իրանի և ամբողջ տարածաշրջանի մարդկանց ու շրջակա միջավայրի վրա»։
Սոցիալական ցանցերում հրապարակված հայտարարության մեջ Թեդրոս Գեբրեյեսուսը կոչ է արել կողմերին «աշխատել խաղաղության ուղղությամբ»։
Իրանական լրատվամիջոցները հայտնել են, որ պայթյուններ են լսվել Սպահանում, որտեղ տեղակայված են մի քանի միջուկային օբյեկտներ։
«Հակաօդային պաշտպանության համակարգերն ակտիվացել են», - հաղորդել է Mehr լրատվական գործակալությունը։
ԱՄՆ նախագահն այսօր կտրուկ սրեց իր հռետորաբանությունը Իրանի գերագույն առաջնորդի հասցեին՝ սոցիալական ցանցում հայտարարելով, որ Ամերիկան գիտի՝ որտեղ է նա այժմ գտնվում, բայց «առայժմ» չի սպանի նրան։
«Մենք ճշգրիտ գիտենք, թե որտեղ է թաքնվում այսպես կոչված «Գերագույն առաջնորդը»։ Մենք չենք պատրաստվում նրան ոչնչացնել (սպանել), գոնե ոչ այժմ», - գրել է Թրամփը իր Truth Social հարթակում, հավելելով,- «Մենք չենք ուզում, որ հրթիռներ արձակվեն քաղաքացիական անձանց կամ ամերիկացի զինվորների վրա»։
Սպիտակ տան ղեկավարը միաժամանակ պնդել է, թե «մեր համբերությունը սպառվում է», մեկ այլ գրառմամբ էլ պահանջել, որ Իրանը առանց նախապայմանների «ՀԱՆՁՆՎԻ»