Հանրապետական կուսակցությունից ԱՄՆ նախագահի թեկնածության համար պայքարող Նիկի Հեյլին մտադիր է շարունակել ընտրապայքարը։
Քաղաքական գործիչն այս մասին հայտարարել է Հարավային Կարոլինայում շաբաթ օրը նախատեսված փրայմերիների նախաշեմին։
Սոցհարցումները, որոնց հղում է անում «Ռոյթերզ»-ը, վկայում են, որ Հեյլին կարող է պարտվել նաև հայրենի Հարավային Կարոլինա նահանգում, որտեղ ունի մոտ 30 տոկոս աջակցություն։
Մինչ այդ Դոնալդ Թրամփը մեծ առավելությամբ մրցակցի նկատմամբ հաղթանակներ է արձանագրել մի շարք նահանգներում տեղի ունեցած ներկուսակցական ընտրություններում։
