Ադրբեջանում ԱՄՆ նոր դեսպան Մարկ Լիբբին հանդիպել է Ադրբեջանում Մեծ Բրիտանիայի դեսպան Ֆերգյուս Օլդին։
Լիբբին X-ի իր էջում գրառում է կատարել, մասնավորապես, նշելով, որ գոհ է հանդիպումից։
«Ես անհամբեր սպասում եմ միասին աշխատելու այն նպատակների շուրջ, որոնք մենք կիսում ենք Ադրբեջանում և Կովկասում», - գրել է ԱՄՆ դեսպանը:
Ավելի քան մեկ տարվա դադարից հետո Միացյալ Նահանգներն Ադրբեջանում նոր դեսպան նշանակեց։ Մարկ Լիբբին Բաքու է ժամանել դեկտեմբերի սկզբին։ Նա հույս է հայտնել, որ Ադրբեջանում գտնվելու ընթացքում համատեղ համագործակցությամբ կնպաստի տարածաշրջանում կայուն խաղաղության հաստատմանը:
