Ուղիղ 15 տարի առաջ՝ 2008 թվականի հունվարին, մեկնարկեց Հայաստանի Երրորդ Հանրապետության ամենադրամատիկ և լարված նախագահական ընտրարշավներից մեկը: Դրանից կես տարի առաջ դեռ թվում էր, թե ընտրությունների ելքը կանխորոշված է, և Ռոբերտ Քոչարյանն առանց լուրջ խնդիրների կարողանալու է նախագահի աթոռը փոխանցել Սերժ Սարգսյանին: Ամեն ինչ, սակայն, փոխվեց մեկ օրում՝ 2007-ի սեպտեմբերի 21-ին, երբ գրեթե տասնամյա լռությունից հետո քաղաքականություն վերադարձավ առաջին նախագահ Լևոն Տեր-Պետրոսյանը: