Այսօր՝ ժամը 01:30-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ, հայտնում է Հայաստանի պաշտպանության նախարարությունը։
Նախարարությունը նաև փոխանցում է, որ հայկական կողմը կորուստներ չունի՝ նշելով՝ 08:00-ի դրությամբ իրավիճակը հարաբերականորեն կայուն է:
Երեկ երեկոյան Հայաստանի ռազմական գերատեսչությունը կրկին հաղորդել էր ադրբեջանական կողմից հայկական դիրքերի ուղղությամբ գնդակոծությունների մասին։
Բաքուն իր հերթին Երևանին է մեղադրել նույն ժամանակահատվածում ադրբեջանական դիրքերը գնդակոծելու համար։
