Հայաստանի Զինված ուժերի ստորաբաժանումները կրակ չեն բացել ադրբեջանական դիրքերի ուղղությամբ, հայտնում է Հայաստանի ռազմական գերատեսչությունը՝ Ադրբեջանի պաշտպանության նախարարության հաղորդումը որակելով հերթական ապատեղեկատվություն։
Ժամը 10:40-ի դրությամբ իրավիճակը հայ-ադրբեջանական սահմանին հարաբերականորեն կայուն է, ասված է Հայաստանի պաշտպանության նախարարության հաղորդագրությունում։
Բաքուն հաղորդել է, թե ՀՀ ԶՈՒ ստորաբաժանումները հոկտեմբերի 21-ին կրակել են ադրբեջանական դիրքերի ուղղությամբ։
Վերջին օրերին Երևանն ու Բաքուն գրեթե ամենօրյա ռեժիմով միմյանց են մեղադրում դիրքերը գնդակոծելու համար։ Նույն իրավիճակն էր նաև սեպտեմբերյան բախումներից առաջ։
