Սոթքից մինչև Գորիս ողջ սահմանագծով վերսկսվել են ինտենսիվ հրթիռահրետանային հարվածները. ՊՆ

Ժամի 15:00-ի դրությամբ իրադրությունը հայ-ադրբեջանական սահմանագծին կրկին ծայրահեղ լարվել է, հայտնեց ՊՆ խոսնակ Արամ Թորոսյանը:

Ժամը13։00-ից սկսած, նրա փոխանցմամբ, ադրբեջանական կողմը սկսել է Սոթքից մինչև Գորիս ընկած ամբողջ սահմանագծով ինտենսիվ հրթիռահրետանային հարվածները՝ թիրախավորելով նաև խաղաղ բնակավայրերը, կիրառելով ԱԹՍ-ներ ևս:

«Հարվածներ են հասցվել նաև մարտական գործողությունների գոտում հումանիտար առաքելություն իրականացնող Ռուսաստանի Դաշնության անվտանգության դաշնային ծառայության տրանսպորտային միջոցներին», - հայտնեց խոսնակը` հավելելով, որ սրան զուգահեռ ադրբեջանական ստորաբաժանումները վերսկսել են նաև դիրքային առաջխաղացման փորձերը:

^{Հայ -ադրբեջանական սահմանին ինտենսիվ ռազմական գործողությունները սկսվել են սեպտեմբերի 13-ի կեսգիշերին, հայկական կողմը հաղորդել է իր առնվազն 49, ադրբեջանական կողմը՝ 50 զոհերի մասին: Պաշտոնական Բաքուն պնդում է, թե ուժի է դիմել «սադրանքների» պատճառով, որոնցով Երևանն իբր փորձում է տապալել երկու երկրների միջև խաղաղության գործընթացը: Հայկական կողմը կտրականապես հերքում է այդ մեղադրանքը:}