Հայաստանում անցած մեկ օրում կորոնավիրուսի դեպքերի թիվն աճել է 303-ով՝ հասնելով 231 հազար 625-ի, գրանցվել է հիվանդությունից մահվան ևս 4 դեպք, հաղորդում է Առողջապահության նախարարության Հիվանդությունների վերահսկման և կանխարգելման ազգային կենտրոնը:
Այսօր ժամը 11-ի սահմաններում կենտրոնի պաշտոնական կայքէջում հրապարակված տվյալների համաձայն՝ հիվանդությունից բուժվածների թիվն ավելացել է 208-ով և հասել 220 հազար 825-ի:
Ըստ նույն աղբյուրի, իրականացվել է 6 հազար 492 թեստավորում, ընդհանուր թիվը հասավ 1 միլիոն 378 հազար 897-ի:
Կորոնավիրուսային հիվանդությունից մահացածների ընդհանուր թիվը հասավ 4 հազար 636-ի, ևս 1124 վարակակիր, ըստ Առողջապահության նախարարության, մահացել է այլ պատճառներով:
Այսպիսով, COVID-19-ից տվյալ պահին Հայաստանում բուժվում է 5 հազար 40 մարդ։
Ինչպես կառավարության նիստի ժամանակ հայտնեց առողջապահության նախարար Անահիտ Ավանեսյանը, այս պահի դրությամբ Հայաստանում իրականացվել է կորոնավիրուսի դեմ 190 հազար 36 պատվաստում, որից միայն երեկ՝ 6 հազար 188-ը:
Նախարարը տեղեկացրեց նաև, որ հուլիսի 15-ից մինչև օգոստոսի 4-ը ներառյալ պատվաստվել է 58 հազար 108 անձ, որից 56 հազար 10-ը՝ Հայաստանի քաղաքացիներ, 2 հազար 96-ը՝ օտարերկրացիներ:
