Այսօր Ազգային ժողովում ելույթից հետո «Բարգավաճ Հայաստան» կուսակցության (ԲՀԿ) առաջնորդ և խորհրդարանական խմբակցության ղեկավար Գագիկ Ծառուկյանը մեկնեց Ազգային անվտանգության ծառայություն (ԱԱԾ) հարցաքննության:
Ծառուկյանին ուղեկցում էր ԱԱԾ Տնտեսական անվտանգության և կոռուպցիայի դեմ պայքարի դեպարտամենտի պետ Միքայել Համբարձումյանը:
Թե ինչ գործով է հարցաքննությունը, լրագրողներին չհայտնեցին:
Ազգային ժողովն այսօր քննարկում է ԲՀԿ առաջնորդին 2017 թվականի խորհրդարանական ընտրություններում կաշառք բաժանելը կազմակերպելու մեղադրանք առաջադրելու և նրան ազատությունից զրկելու վերաբերյալ գլխավոր դատախազ Արթուր Դավթյանի միջնորդությունը:
Խորհրդարանի ամբիոնից իր ելույթում Գագիկ Ծառուկյանը շարունակեց պնդել, որ իրեն առնչվող քրեական գործերը շինծու են և հարուցված են քաղաքական պատվերով:
