Навіны палітвязьняў

• 12:48, 17 жнівень 2011

  Зьмітра Бандарэнку выпісваюць з 5-й клінікі ў турму

  17 жніўня каардынатара "Эўрапейскай Беларусі" Зьмітра Бандарэнку загадана выпісаць з 5-й гарадзкой клінікі, дзе вязень быў праапэраваны і праходзіў курс рэабілітацыі.

• 17:08, 16 жнівень 2011

  Францыя заклікае ўлады Беларусі вызваліць усіх палітвязьняў

  Францыя зноў заклікае ўлады Беларусі вызваліць усіх палітвязьняў. "Гэта зьяўляецца папярэдняй умовай для аднаўленьня канструктыўнага дыялёгу", - гаворыцца ў камюніке МЗС Францыі.

• 15:47, 15 жнівень 2011

  Цётка Ўладзімера Хамічэнкі: "Ён мог паехаць куды ў Беларусь ці ў Расею"

  15 жніўня афіцыйна пацьверджана, што выйшаў на волю апошні, дзявяты са сьпісу памілаваных вязьняў Плошчы — Уладзімер Хамічэнка. "Пакуль адных вызваляюць, іншых рыхтуюць да пасадкі", — кажа праваабаронца Наста Лойка зь "Вясны".

• 10:57, 15 жнівень 2011

  Дзявяты памілаваны – "навушнік" Хамічэнка

  Дзявятым памілаваным фігурантам крымінальнай справы па падзеях 19 сьнежня 2010 году стаў Уладзімер Хамічэнка. У калёніі №19 каля Магілёва, дзе асуджаны адбываў пакараньне, заявілі, што Ўладзімер Хамічэнка адбыў па месцы жыхарства ў сувязі з памілаваньнем.

• 17:22, 14 жнівень 2011

  Хто дзявяты памілаваны – пакуль невядома

  Восем удзельнікаў падзеяў на плошчы Незалежнасьці 19 сьнежня 2010 года вызваленыя і дабраліся дадому. Дагэтуль дакладна невядома, хто дзявяты памілаваны, і ці вызвалены ён.

• 16:32, 14 жнівень 2011

  Уладзімер Яроменак: "Да мяне прыехалі і сказалі, што, маўляў, ёсьць магчымасьць вызваліцца"

  Уладзімер Яроменак, які адбываў пакараньне ў калёніі Віцьба-3, позна ўвечары 13 жніўня дабраўся да родных Мёраў. Да арышту ён быў студэнтам менскага ўнівэрсытэту інфарматыкі і радыёэлектронікі.

• 15:07, 14 жнівень 2011

  Аляксандар Квяткевіч: "Прапанавалі напісаць прашэньне аб памілаваньні. Я напісаў"

  Аляксандар Квяткевіч адбываў пакараньне ў Івацэвіцкай калёніі "Ваўчыныя норы". 13 жніўня позна ўвечары ён вярнуўся дадому, у Менск. Яму прапанавалі напісаць прашэньне аб памілаваньні, і ён пагадзіўся.

• 13:55, 14 жнівень 2011

  Яўген Сакрэт: "Цяжка прывыкаць да ролі вольнага чалавека"

  Яўген Сакрэт адбываў пакараньне ў Магілёўскай калёніі №15. Яго выпусьцілі 13 жніўня – Яўген трапіў пад указ Аляксандра Лукашэнкі аб памілаваньні.

• 20:11, 13 жнівень 2011

  Арцём Грыбкоў: "Пра Лукашэнку ў турмах меркаваньні адназначныя"

  Арцём Грыбкоў, якога вызвалілі з Бабруйскай калёніі паводле памілаваньня, распавёў пра настроі ў месцах зьняволеньня.

• 13:10, 13 жнівень 2011

  Дрозд, Казакоў, Парфянкоў, Мацукевіч, Сакрэт, Грыбкоў, Яроменак, Квяткевіч – на волі

  13 жніўня на волю выйшлі прынамсі васьмёра зь дзевяці памілаваных Аляксандрам Лукашэнкам вязьняў, якія адбывалі тэрміны за ўдзел у падзеях на плошчы Незалежнасьці 19 сьнежня 2010 году. Дадаліся 2 відэаінтэрвію.

• 17:13, 12 жнівень 2011

  Міністэрства ўнутраных спраў: "Сьпісу памілаваных сёньня ня будзе"

  Дэпартамэнт выкананьня пакараньняў МУС не назваў прозьвішчаў асуджаных за Плошчу, якіх 11 жніўня памілаваў Аляксандар Лукашэнка. Паводле праваабарончага цэнтру "Вясна", сярод памілаваных — вязьні Дзьмітрый Дрозд, Сяргей Казакоў, Андрэй Пратасеня і Арцём Грыбкоў.

• 16:45, 12 жнівень 2011

  Павал Севярынец: першы дзень "хіміі"

  Сёньня ў асуджанага за Плошчу Паўла Севярынца – першы дзень "хіміі" ў вёсцы Куплін — гэта некалькі кілямэтраў ад Пружанаў.

• 16:22, 12 жнівень 2011

  Жонка Бяляцкага атрымала ліст

  Першыя зьвесткі пра знаходжаньне праваабаронцы Алеся Бяляцкага ў сьледчым ізалятары атрымала ягоная жонка Натальля Пінчук. Ліст з-за кратаў Алесь Бяляцкі адправіў 8 жніўня. У лісьце праваабаронца распавядае пра тое, як яму даводзіцца прызвычайвацца да турэмнага рэжыму.

• 11:43, 12 жнівень 2011

  12 жніўня – 55 гадоў Мікалаю Статкевічу

  55-ы дзень народзінаў экс-кандыдат на прэзыдэнта сустракае ў Шклоўскай калёніі. 26 траўня судзьдзя Ленінскага суду Менску Людміла Грачова асудзіла Міколу Статкевіча за Плошчу на 6 гадоў калёніі ўзмоцненага рэжыму. Паплечнікі Міколы наведалі Віктара Статкевіча, бацьку палітзьняволенага ў Баранавічах.

• 09:19, 12 жнівень 2011

  Вясна: Сярод памілаваных – Дрозд, Грыбкоў, Казакоў, Пратасеня

  Сталі вядомыя прозьвішчы некаторых асуджаных удзельнікаў Плошчы, якіх 11 жніўня памілаваў Аляксандр Лукашэнка. Усе яны адбывалі пакараньне ў Бабруйскай калёніі. <b>15.30</b> Маці Дзьмітрыя Дразда: "У калёніі пацьвердзілі, што сына памілавалі"

• 22:04, 11 жнівень 2011

  Маральны і фізычны стан Дзьмітрыя Вуса вельмі цяжкі

  Гэта паведаміла жонка экс-кандыдата ў прэзыдэнты Яўгенія. Паводле яе слоў, Вус цяпер знаходзіцца ў карантыне ў магілёўскай калёніі, куды яго вярнулі 5 жніўня пасьля абсьледаваньня ў Менску.

• 20:53, 11 жнівень 2011

  Адвакат Саньнікава: "Вядомы выпадкі памілаваньня і без прашэньня з боку вязьня"

  Адвакат экс-кандыдата на прэзыдэнта Андрэя Саньнікава Марына Кавалеўская адказала на пытаньні "Свабоды" адносна памілаваньня 9 удзельнікаў Плошчы.

• 20:05, 11 жнівень 2011

  Маці Мікіты Ліхавіда: "У любым выпадку – гэта першая ластаўка"

  Маці асуджанага за Плошчу Мікіты Ліхавіда Алена гэтак пракамэнтавала зьвесткі пра памілаваньне 9 палітвязьняў.

• 19:25, 11 жнівень 2011

  Дэпутат нямецкага Бундэстагу Рэнэ Рошпель узяў шэфства над Фёдарам Мірзаянавым

  Рэнэ Рошпель такім чынам патлумачыў сваё рашэньне: "Я быў узрушаны ўжываньнем сілы падчас прэзыдэнцкіх выбараў у сьнежні 2010 года, а такасма арыштамі і прысудамі, якія пасьледавалі за гэтым.

• 16:43, 11 жнівень 2011

  Ліст Уладзімера Арлова дайшоў да турэмшчыкаў

  Вязьням Івацэвіцкай калёніі "Ваўчыныя норы" вядома пра зварот пісьменьніка Ўладзімера Арлова да начальнікаў беларускіх калёній. Ільлю Васілевіча перавялі ў іншы атрад, калі вязень адмовіўся пісаць прашэньне аб памілаваньні. Са Зьмітром Бандарэнкам у шпіталі сустрэлася жонка.

• 15:03, 11 жнівень 2011

  Да Дашкевіча зноў не пусьцілі адваката

  11 жніўня адвакат палітзьняволенага Зьмітра Дашкевіча чарговы раз паспрабаваў сустрэцца са сваім падабаронным у папраўчай калёніі № 9 у Горках. Аднак адміністрацыя калёніі адмовіла ў гэтай сустрэчы, спаслаўшыся на "службовую неабходнасьць".

• 14:11, 11 жнівень 2011

  Віталь Рымашэўскі стаў на ўлік для адбыцьця пакараньня

  Сустаршыня аргкамітэту па стварэньні партыі "Беларуская хрысціянская дэмакратыя" (БХД), былы кандыдат у прэзыдэнты Беларусі Віталь Рымашэўскі кажа, што міліцыя незаконна сабрала зьвесткі пра яго сваякоў.

• 10:08, 11 жнівень 2011

  Кіраўніцтва калёніі: “З Дашкевічам усё ў парадку”

  Кіраўніцтва Горацкай папраўчай калёніі №9 заяўляе, што са зьняволеным Зьмітром Дашкевічам "усё ў парадку". Пра гэта гаворыцца ў лістах актывістам, якія 2 жніўня патрабавалі ад кіраўніцтва турмы дазволу на сустрэчу адваката са зьняволеным лідэрам “Маладога фронту”.

• 13:57, 10 жнівень 2011

  Павал Севярынец пакуе чамаданы на Пружаншчыну

  11 жніўня раніцай Павал Севярынец накіруецца з роднага Віцебску ў вёску Купліна Пружанскага раёну Берасьцейскай вобласьці — на другі канец краіны. Дзе Павал будзе працаваць, чым канкрэтна займацца, яму яшчэ не паведамілі.

• 17:12, 09 жнівень 2011

  На волі яшчэ адзін удзельнік акцыі салідарнасьці са Зьмітром Дашкевічам

  9 жніўня з Дрыбінскага ізалятара часовага ўтрыманьня выйшаў на волю другі ўдзельнік акцыі салідарнасьці са Зьмітром Дашкевічам, актывіст грамадзянскай кампаніі "Эўрапейская Беларусь" Аляксей Санчыла.

• 16:32, 09 жнівень 2011

  Найгоршыя ўмовы — у "перасылцы" ў Баранавічах; найгоршая ежа — у Менску на Валадарскага

  Фёдар Мірзаянаў: найгоршыя ўмовы — у "перасылцы" ў Баранавічах, найгоршая ежа — у Менску на Валадарскага. Эдуард Лобаў прачытаў усе кнігі, дасланыя з волі. Мікіта Ліхавід заявіў, што ня будзе прасіць аб памілаваньні. Як ідзе збор подпісаў у абарону Зьмітра Бандарэнкі? Аляксандар Класкоўскі будзе працаваць на дрэваапрацоўчай вытворчасьці.

• 14:31, 09 жнівень 2011

  У Менскі гарсуд накіраваная чарговая справа па падзеях 19 сьнежня

  Абвінавачваньне ва "ўдзеле ў масавых беспарадках" прад'яўлена новаму фігуранту, Сьвятаславу Барановічу. Пра гэта паведамляе праваабарончы цэнтар "Вясна".

• 12:28, 09 жнівень 2011

  Лябедзьку працягнулі расьсьледаваньне ў справе 19 сьнежня

  "Усе прававыя магчымасьці вырашэньня пытаньня вычарпаныя… Зьвяртацца да нашых праваахоўных органаў у маім выпадку — усё роўна што да тэлеграфнага слупа", — заяўляе лідэр АГП.

• 17:23, 08 жнівень 2011

  Мікола Статкевіч пацьвердзіў факт катаваньняў у СІЗА КДБ

  Міколу Статкевіча дапыталі ў справе катаваньняў у СІЗА КДБ. Алега Гнедчыка прымушаюць пісаць ліст аб памілаваньні. Алег Федаркевіч скардзіцца на пагаршэньне здароўя. Васіль Парфянкоў працуе на рамонце памяшканьняў турмы.

• 12:36, 06 жнівень 2011

  Мікіту Ліхавіда накіравалі на 3 месяцы ў ПКТ

  Актывіста руху "За свабоду" Мікіту Ліхавіда пакаралі 3 месяцамі знаходжаньня ў памяшканьні камэрнага тыпу. З Андрэем Саньнікавым сустрэліся адвакаты. Зьміцер Бандарэнка напісаў ліст вядомай расейскай акторцы Чулпан Хаматавай.

• 18:20, 05 жнівень 2011

  Ірыне Халіп прызначылі ўмовы адбыцьця пакараньня

  Ірына Халіп стала на ўлік у міліцыі, дзе будуць кантраляваць, як яна адбывае прызначанае судом пакараньне — 2 гады пазбаўленьня волі з адтэрміноўкай на 2 гады. Ірына распавяла пра ўмовы адбыцьця пакараньня, якія ёй прызначаны.

• 16:55, 05 жнівень 2011

  Зьмітра Буланава прымушаюць напісаць прашэньне аб памілаваньні

  Ад Мікіты Ліхавіда месяц няма ніякіх зьвестак. На Зьмітра Буланава ціснуць — прымушаюць падпісаць прашэньне аб памілаваньні. Дзьмітрыя Вуса ў пятніцу ўвечары разам з Буланавым этапуюць у Магілёўскую калёнію. Ільлі Васілевічу 6 жніўня спаўняецца 20 гадоў.

• 15:44, 04 жнівень 2011

  Мікалай Статкевіч распавядзе вайсковым сьледчым пра катаваньні ў "амэрыканцы"

  Вуса дагэтуль не вярнулі ў Магілёўскую калёнію. Саньнікаў сустрэнецца з адвакатам. Жонцы Класкоўскага пазваніў чалавек, які быў разам з мужам у зьняволеньні. Грыбкоў даслаў першы ліст з Бабруйскай калёніі.

• 13:28, 04 жнівень 2011

  На Гомельшчыне ўлады не спачуваюць Ліхавіду

  Гомельскія актывісты руху "За свабоду" замовілі 39 пікетаў у падтрымку маладога палітвязьня Мікіты Ліхавіда, які адбывае пакараньне за Плошчу ў Наваполацкай калёніі № 10.

• 16:49, 03 жнівень 2011

  "Андрэю Саньнікаву турэмная роба ня вельмі пасуе"

  Зьміцер Бандарэнка, якога тыдзень таму праапэравалі, пакрысе ідзе на папраўку. На вязьняў Бабруйскай калёніі ціснуць, каб падпісалі прашэньні аб памілаваньні. З Івацэвіцкай калёніі лісты не прыходзяць — цэнзар у адпачынку. Алесь Кіркевіч кантактаваў з Андрэем Саньнікавым і Мікітам Ліхавідам.

• 09:43, 03 жнівень 2011

  За салідарнасьць з палітвязьнем Дашкевічам – арышты

  3 жніўня ў Горках і Дрыбіне (Магілеўская вобласьць) адбываліся суды над удзельнікамі пікету ў абарону зьняволенага лідара «Маладога фронту» Зьмітра Дашкевіча. Бальшыня ўдзельнікаў акцыі пакараная пазбаўленьнем волі на тэрміны ад 5 да 17 сутак. Прысуды ў Дрыбіне выносілі судзьдзі Аляксандар Зайцаў і Віктар Ясковіч.

• 19:33, 02 жнівень 2011

  Горкі: Удзельнікі пікету застануцца за кратамі да раніцы 3 жніўня

  3 жніўня ў Горках (Магілёўская вобласьць) будуць разглядаць 15 адміністрацыйных спраў супраць удзельнікаў пікету.

• 16:22, 02 жнівень 2011

  Палітзьняволенага праз маці ўгаворваюць папрасіць "памілаваньня"

  Маці Дзьмітрыя Новіка прапанавалі ўгаварыць сына напісаць прашэньне аб памілаваньні. Эдуард Лобаў вывучае ў зьняволеньні гісторыю Беларусі. Спыніліся званкі ад Аляксандра Малчанава. Фёдар Мірзаянаў апісаў турэмнае мэню.

• 15:21, 02 жнівень 2011

  Каля Горацкай калёніі разагналі пікет у падтрымку Дашкевіча

  Паплечнікі палітвязьня Зьмітра Дашкевіча спрабавалі правесьці пікет ля калёніі ў Горках, дзе хлопец адбывае пакараньне. Яны разгарнулі перад будынкай калёніі расьцяжку, на якой напісана "Спыніце перасьлед". Міліцыя разагнала акцыю. Затрымана 15 чалавек.

• 15:09, 02 жнівень 2011

  У прыёмнай адміністрацыі прэзыдэнта — "Выратуем Зьмітра Бандарэнку!"

  2 жніўня грамадзкія актывісты правялі ў Менску акцыю "Выратуем Зьмітра Бандарэнку!". У прыёмную Адміністрацыі прэзыдэнта падавалі асабістыя прашэньні грамадзян на імя Аляксандра Лукашэнкі аб зьмякчэньні пакараньня апазыцыянэру Зьмітру Бандарэнку.

• 14:45, 02 жнівень 2011

  Пікеты ў падтрымку Ліхавіда не дазваляюць нідзе

  У Гомельскай вобласьці актывісты руху "За Свабоду" падалі больш за 30 заявак на пікеты ў падтрымку палітвязьня Мікіты Ліхавіда. Ніводзін пікет не дазволілі.

• 14:28, 02 жнівень 2011

  Адвакату адмовілі сустрэцца з Дашкевічам

  Намесьнік начальніка калёніі адмовіў адвакату Анатолю Мялеку ў сустрэчы з Дашкевічам з той прычыны, што нібыта сам Дашкевіч не пісаў заяўку на такую сустрэчу.

• 23:07, 01 жнівень 2011

  У Баранавічах забаранілі пікет у падтрымку палітвязьня Мікіты Ліхавіда

  У Баранавічах забаранілі правядзеньне пікету ў падтрымку Мікіты Ліхавіда, прыгаворанага да трох з паловай гадоў пазбаўленьня волі ў калёніі ўзмоцненага рэжыму за ўдзел у акцыі ў Менску 19 сьнежня.

• 16:04, 01 жнівень 2011

  Статкевіча турбуе сытуацыя вакол лідэра "Маладога фронту"

  Адміністрацыя шклоўскай калёніі паабяцала палітвязьню Мікалаю Статкевічу, што праблем з атрыманьнем карэспандэнцыі больш ня будзе.

• 13:35, 30 ліпень 2011

  Андрэй Саньнікаў у калёніі сустрэўся зь Мікітам Ліхавідам

  У Новаполацкай калёніі ў Андрэя Саньнікава – ніжняе спальнае месца і льняныя прасьціны. Да Аляксандра Малчанава ў Магілёўскай калёніі наведаўся пракурор. Улады не даюць дазволы на пікеты ў падтрымку палітвязьняў.

• 15:45, 29 ліпень 2011

  Лісты да палітвязьняў ідуць месяцамі

  Валянціна Гнедчык у пятніцу раніцай вярнулася са Шклоўскай калёніі, дзе мела спатканьне з сынам Алегам. Адвакатка Зьмітра Дашкевіча, якую ў чацьвер не пусьцілі ў Горацкую калёнію да свайго падабароннага, падала скаргу. Ад Ільлі Васілевіча і Міколы Статкевіча лісты ідуць, здараецца, цягам месяца і даўжэй.

• 16:38, 28 ліпень 2011

  Дзьмітрыю Вусу не перадаюць лекі

  Зьміцер Бандарэнка ідзе на папраўку. Дзьмітрыю Вусу не перадаюць лекі. Да Зьмітра Дашкевіча не пусьцілі адвакатку. Жонка Аляксандра Атрошчанкава і родныя Ільлі Васілевіча толькі што вярнуліся з кароткатэрміновага спатканьня.

• 14:59, 28 ліпень 2011

  Адваката Мар'яну Сямешку не пусьцілі да Дашкевіча

  Сёньня адвакатка Мар'яна Сямешка прыехала ў Горацкую калёнію наведаць свайго падабароннага Зьмітра Дашкевіча, якога ўжо трэці раз зьмясьцілі ў штрафны ізалятар.

• 16:08, 27 ліпень 2011

  Вязьня, які распавёў пра Дашкевіча, таксама кінулі ў карцэр

  Палітвязень Зьміцер Бандарэнка пасьля апэрацыі адчувае сябе нармальна. Зьмітра Дашкевіча трэці раз кінулі ў карцэр. У карцэры і той ягоны сукамэрнік, які пра гэта паведаміў.

• 12:19, 27 ліпень 2011

  Міністэрства ўнутраных спраў апраўдваецца за здароўе Бандарэнкі

  26 ліпеня ў 5-й гарадзкой клінічнай бальніцы Менску быў праапэраваны палітвязень Зьміцер Бандарэнка. Міністэрства ўнутраных спраў заявіла, што апэрацыя Бандарэнкі прайшла пасьпяхова.

Загрузіць яшчэ