За тры дні ў Орску тройчы прарвала дамбу. Цяпер затопленымі застаюцца амаль 13 тысяч жылых дамоў і каля 15 тысяч прысядзібных участкаў. На раніцу 10 красавіка адтуль эвакуавалі больш за 7,7 тысячы чалавек. У выніку паводкі загінулі сама меней пяцёра.
У Орску і Арэнбурскай вобласьці абвешчаны рэжым надзвычайнага становішча фэдэральнага ўзроўню. Узровень вады ў рацэ Ўрал у Арэнбургу дасягнуў 996 сантымэтраў, што на 66 см вышэй за небясьпечны ўзровень. У Орску вада пачынае спадаць. Нармалізацыя чакаецца не раней за 25 красавіка, паведамляюць улады Арэнбургу.
Наступствы паводкі ў Арэнбурскай вобласьці Расеі на спадарожнікавых здымках
Спадарожнікавыя здымкі паказваюць зоны затапленьня ў Арэнбурскай вобласьці Расеі праз паводку і прарыў дамбы.
1
Спадарожнікавы здымак, апублікаваны Maxar Technologies, паказвае паводку ў расейскім Арэнбургу 9 красавіка.
Расея з усіх сіл змагаецца з паводкай у выніку хуткага раставаньня сьнегу і прарыву дамбы ў горадзе Орск на Ўральскіх гарах.
Расея з усіх сіл змагаецца з паводкай у выніку хуткага раставаньня сьнегу і прарыву дамбы ў горадзе Орск на Ўральскіх гарах.
2
У Арэнбургу, горадзе з насельніцтвам 550 тысяч чалавек, разьмешчаным прыкладна за 1200 кілямэтраў на ўсход ад Масквы, былі затопленыя тысячы дамоў, эвакуавалі сама меней 7,7 тысячы чалавек, паколькі ўзровень ракі Ўрал рэзка падняўся вышэй за крытычны ўзровень у 9,3 мэтра.
3
Гарадзкая авіябаза акружаная паводкавымі водамі. У МНС Расеі заявілі, што ў шэрагу раёнаў узровень вады зьнізіўся, але ахарактарызавалі сытуацыю як «па-ранейшаму складаную».
4
Жылыя кварталы Арэнбургу ў атачэньні паводкавых водаў.
5
Паводкавыя воды разам з ракой Самарай затапілі горад Сарачынск, што прыкладна за 150 кілямэтраў на паўночны захад ад Арэнбургу
6
Сарачынск затоплены ў выніку паводкі на рацэ Самары
7
Паводкавыя воды з ракі Бузулук падступаюць да Андрэеўкі, невялікага сяла ў Ілішаўскім раёне Башкартастану
8
Разьліў ракі Бузулук у Андрэеўцы
9
Від зьверху на затопленыя тэрыторыі ракі Ілек у раёне Акбулаку, невялікага мястэчка амаль за 100 км на поўдзень ад Арэнбургу
10
Паводка ў жылых раёнах Акбулаку. Сытуацыя з паводкай застаецца вострай у некаторых частках Заходняй Сібіры, дзе пік чакаецца праз тры-пяць дзён, а таксама ў некаторых раёнах вакол ракі Волгі.
Катэгорыі
- Мультымэдыя
- Відэа
