Як паведаміла брагінскае раённае выданьне «Маяк Палесься», разам зь імі на сустрэчы з школьнікамі прысутнічаў і настаяцель храму Мікалая Цудатворца Уладзімер Зелянкоўскі.
«Мат — гэта гнілыя словы. Ён атручвае душу чалавека. Калі людзі лаюцца, Багародзіца кожны раз просіць Бога дараваць іх. Раней такія словы ўжывалі людзі некультурныя і нявыхаваныя. Цяпер, на жаль, брыдкасловяць нават дзеці», — сказаў сьвятар.
Натальля Даўжанок расказала вучням аб адміністрацыйнай адказнасьці за брыдкаслоўе на вуліцы, якое могуць прыраўняць да дробнага хуліганства, а Сьвятлана Цалуйка «спынілася на пытаньні бясьпекі ў інтэрнэце, расказала пра „экстрэмісцкія рэсурсы“ і адказнасьць за ўзаемадзеяньне зь імі».
Ніякіх цытат брагінскіх чыноўніц выданьне не публікуе.
Вуглаўская сярэдняя школа знаходзіцца ў аграгарадку Вуглы Брагінскага раёну. У Вуглах на 2004 год налічвалася 84 двары і 253 жыхары.
Паводле інфармацыі на 2022 год, у 1-4 клясах Вуглаўскай сярэдняй школы вучылася 23 дзяцей, у 5-9 клясах — 37, у 10-11 клясах — 14, а ў дашкольнай групе было 13 выхаванцаў. Як вынікае з апублікаваных мясцовым выданьнем фатаздымкаў, на ідэалягічнай сустрэчы прысутнічалі вучні з 1 да 11 клясы.
Форум