Паводле яго слоў, бакі мелі «добрую, вельмі прадуктыўную размову»: у прыватнасьці, ён павіншаваў Трампа з угодаю адносна прыпыненьня агню на Блізкім Усходзе:
«Гэта моцны вынік. І калі ўдаецца спыніць вайну ў тым рэгіёне, дакладна іншыя войны могуць быць спыненыя, у тым ліку і гэтая расейская вайна».
Украінскі лідэр расказаў Трампу пра апошнія расейскія атакі на энэргетыку і падзякаваў за гатоўнасьць падтрымаць Украіну.
«Абмеркавалі магчымасьці ўзмацніць нашу СПА і дамоўленасьці, якія мы рыхтуем адносна гэтага. Ёсьць добрыя варыянты, моцныя ідэі, як рэальна ўзмацніць нас. Патрэбна гатоўнасьць расейцаў браць удзел у сапраўднай дыпляматыі. Дзякуючы сіле гэта можна забясьпечыць. Дзякую, спадару Прэзыдэнт!» — падсумаваў Зяленскі.
Трамп пакуль не камэнтаваў размову.
Форум