Новая сыстэма дазволіць імгненна атрымаць доступ да зьвестак аб знаходжаньні замежніка. Гэта азначае пачатак канца пашпартных штэмпэляў. Сыстэма будзе рэгістраваць біямэтрычныя зьвесткі ўсіх падарожнікаў з краін, якія не ўваходзяць у ЭЗ.
Як адзначае znadniemna.pl, Польшча, як адна з першых краін ЭЗ, цалкам гатовая пачаць кантроль з выкарыстаньнем сучаснай інтэграванай эўрапейскай сыстэмы памежнага кантролю. Сыстэма ўезду/выезду будзе ахопліваць усе памежныя пераходы ў Польшчы — аўтамабільныя, чыгуначныя, паветраныя і марскія. Новая сыстэма забясьпечыць усім праваахоўным органам Эўрапейскага зьвязу хуткі доступ да інфармацыі пра дату і месца ўезду замежніка ў Шэнгенскую зону, а таксама аб яго статусе пражываньня — незалежна ад таго, у якой краіне ЭЗ ён знаходзіцца.
Сыстэма ўезду/выезду (EES) — магутны інструмэнт для забесьпячэньня бясьпекі межаў. Дзякуючы EES Польшча разьлічвае ўзмацніць кантроль над тымі, хто знаходзіцца на ейнай тэрыторыі.
«Гэта прывядзе да ліквідацыі незаконнага перамяшчэньня людзей. Рэгістрацыя біямэтрычных зьвестак — найлепшае рашэньне для дакладнай ідэнтыфікацыі замежнікаў і значнага зьніжэньня рызыкі махлярства або крадзяжу асабістых зьвестак.
Да 10 красавіка 2026 году практыка прастаўленьня штампаў у пашпартах замежнікаў будзе спынена. Яна будзе заменена лічбавай сыстэмай уезду/выезду, якая — за пэўнымі выняткамі — будзе фіксаваць біямэтрычныя зьвесткі грамадзян краін, якія не ўваходзяць у Эўразьвяз, інфармацыю пра падарожныя дакумэнты і даты паездак.
Форум