Лінкі ўнівэрсальнага доступу

Зяленскі заклікаў кіраўніцу Міжнароднага алімпійскага камітэту захаваць прынцыповую пазыцыю да Беларусі


Прэзыдэнтка Міжнароднага алімпійскага камітэту Кірсьці Ковэнтры (Kirsty Coventry), архіўнае фота
Прэзыдэнтка Міжнароднага алімпійскага камітэту Кірсьці Ковэнтры (Kirsty Coventry), архіўнае фота

Прэзыдэнт Украіны Ўладзімір Зяленскі правёў размову з новай прэзыдэнткай Міжнароднага алімпійскага камітэта Кірсьці Ковэнтры, якая ўзначаліла камітэт у сакавіку 2025 году.

Падчас размовы Зяленскі падкрэсьліў, што Расея працягвае сваю агрэсію, якая разбурае спартыўную інфраструктуру і асновы алімпійскага руху.

«За час поўнамаштабнай вайны ад расейскіх удараў загінулі больш за 600 украінскіх спартоўцаў і трэнэраў, былі разбураны сотні нашых спартовых абʼектаў», — адзначыў Зяленскі.

Прэзыдэнт Украіны заявіў, што кожную спартовую падзею, да якой Расея мае дачыненьне, яна выкарыстоўвае для сваёй прапаганды, якая нясе нянавісьць і вайну. Таму ён заклікаў трымаць дыстанцыю паміж спартовым рухам і расейскай дзяржавай.

Зяленскі выказаў надзею, што падчас падрыхтоўкі і правядзеньня Алімпіяды-2026 МАК захавае тую ж прынцыповую пазыцыю, якая была прадэманстравана падчас Алімпіяды ў Парыжы — як адносна Расеі, так і адносна яе хаўрусьніцы — Беларусі.


Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.
Ігар Лосік Кацярына Андрэева Ірына Слаўнікава Марына Золатава
XS
SM
MD
LG