Памёр легендарны брытанскі музыка Озі Осбарн

Менш чым тры тыдні таму, 5 ліпеня, Black Sabbath далі разьвітальны канцэрт у сваім родным горадзе, Бірмінгэме.

Джон Майкл Осбарн нарадзіўся ў Бірмінгэме ў 1948 годзе ў сям'і фабрычных рабочых. Акрамя таго, што ён жыў у адноснай беднасьці, ва ўзросьце 11 гадоў ён неаднаразова падвяргаўся сэксуальнаму гвалту з боку двух хлопцаў: «Гэта было жахліва... Здавалася, што гэта доўжыцца вечна», — расказаў ён газэце Mirror у 2003 годзе.

У юнацтве ён трапіў у турму за крадзеж са ўзломам. Музыка стала для яго выйсьцем.

Заснаваны ім разам з гітарыстам Тоні Аёмі, басістам Гізэрам Батлерамі і бубначом Білам Ўордам гурт Black Sabbath стаў адным з рэвалюцыйных у брытанскай музыцы пасьля свайго першага альбому 1970 году. Гурт лічыцца адным са стваральнікаў жанру heavy metal.

ГЛЯДЗІЦЕ ТАКСАМА:

Мадонна, Måneskin, Bon Jovi, сын Джона Ленана, U2, Білі Айліш і іншыя: сусьветныя зоркі публікуюць песьні ў падтрымку Ўкраіны