Лінкі ўнівэрсальнага доступу

Праблемы з рахункамі трох банкаў у Беларусі вырашалі да раніцы, але кліенты надалей скардзяцца, што грошы ім не вярнулі


Ілюстрацыйнае фота
Ілюстрацыйнае фота

Банкаўскі працэсінгавы цэнтар а 3:40 раніцы 10 ліпеня паведаміў, што тэхнічны збой, які ўзьнік 9 ліпеня 2025 году а 9:00 у апаратна-праграмным комплексе, зьліквідаваны.

Тэрмін ліквідацыі збою, у выніку якога ў некаторых кліентаў трох беларускіх банкаў абнуліліся рахункі, некалькі разоў пераносілі.

Раніцай працэсінгавы цэнтар запэўніў, што ўсе балянсы на картках ААТ «ААБ Беларусбанк», ААТ «Белаграпрамбанк» і ААТ «Белінвестбанк» прыведзеныя ў актуальны стан:

«Апэрацыі з выкарыстаньнем картак ажыцьцяўляюцца ў штатным рэжыме».

Аднак многія людзі ў камэнтарах да гэтага паведамленьня пішуць, што грошы ім так не вярнулі або што зьявіліся новыя праблемы.

Камэнтары да паведамленьня Банкаўскага працэсінгавага цэнтру
Камэнтары да паведамленьня Банкаўскага працэсінгавага цэнтру

Пазьней Банкаўскі працэсінгавы цэнтар заявіў, што калі ў кліентаў банкаў узьніклі сумневы ў актуальнасьці астачы на банкаўскай платнай картцы, трэба зьвяртацца па тлумачэньні ў банк, які выдаў картку:

«Зьвяртаем вашу ўвагу на тое, што неадпаведнасьць астачы, у тым ліку і адмоўная астача, можа ўзьнікнуць з прычынаў, не зьвязаных з узьніклым збоем, напрыклад, у выніку апрацоўкі валютна-абменных апэрацыйяў наяўнасьці зваротаў і іншых прычынах».

Пакуль няма афіцыйнага тлумачэньня, з чым зьвязаны гэты збой.


Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.
Ігар Лосік Кацярына Андрэева Ірына Слаўнікава Марына Золатава
XS
SM
MD
LG