Ужо сёньня: 233 гады таму апошні горад Беларусі атрымаў магдэбурскае права, 120-годзьдзе Юркі Віцьбіча

Дата дня

2 чэрвеня 1792 году Браслаў атрымаў герб. Гэта быў апошні горад на тэрыторыі сучаснай Беларусі, які атрымаў права на самакіраваньне.

Дзень у гісторыі

1848 — у Празе адкрыўся Пан-Славянскі кангрэс.

1875 — улады Расейскае імпэрыі заснавалі ў Нясьвіжы настаўніцкую сэмінарыю, якую ў 1902 годзе скончыў Якуб Колас (Канстанцін Міцкевіч).

1953 — адбылася каранацыя Лізаветы ІІ, якая стала каралевай Вялікай Брытаніі, Канады, Аўстраліі і Новай Зэляндыі.

1962 — у Новачаркаску (СССР) расстралялі дэманстрацыю рабочых супраць падвышэньня цэнаў.

1979 — папа Ян Павал ІІ пачаў свой першы візыт у Польшчу, стаўшы першым папам, які наведаў камуністычную краіну.

ГЛЯДЗІЦЕ ТАКСАМА:

Першы папа, які прамовіў да беларусаў на іх мове (ВІДЭА). 10 фактаў пра Яна Паўла ІІ і Беларусь

У гэты дзень нарадзіліся

1740 — маркіз дэ Сад, францускі пісьменьнік і філёзаф.

1857 — Карл Адольф Гелеруп, дацкі паэт і пісьменьнік, ляўрэат Нобэлеўскай прэміі ў 1917 годзе.

1896 — Пётар Татарыновіч, каталіцкі сьвятар заходняга абраду, папскі прэлат, доктар тэалёгіі, выкладчык, выдавец, рэдактар, пісьменьнік, перакладчык і публіцыст.

1905 — Юрка Віцьбіч, беларускі пісьменьнік, дзеяч эміграцыі ў Амэрыцы, былы аўтар Радыё Свабода.

1926 — Пятро Рашэтнік, сябра СБМ, ахвяра палітычных рэпрэсіяў, вэтэран нацыянальнага руху.

1941 — Чарлі Ўотс, бубнач The Rolling Stones.

1942 — Эдуард Малафееў, футбольны трэнэр.

ГЛЯДЗІЦЕ ТАКСАМА:

11 футбалістаў і трэнэр, якімі можа ганарыцца Беларусь

У памяці

1863 — у Менску пакараны сьмерцю Міхал Цюндзявіцкі, удзельнік нацыянальна-вызвольнага паўстаньня 1863–1864 гг., ахвяра расправы расейскіх калянізатараў.

1882 — памёр Джузэпэ Гарыбальдзі, нацыянальны герой Італіі, генэрал.