Пра гэта паведаміў рэсурс «Грузия online» з спасылкай на МУС краіны. Як вынікае з паведамленьня МУС Грузіі ад 2 красавіка, у выніку апэратыўных захадаў беларуса затрымалі супрацоўнікі Зугдыдзкага раённага аддзелу паліцыі.
«Падчас асабістага надгляду і агляду транспартнага сродку ў затрыманага ў якасьці рэчавых доказаў сканфіскавалі наркатычны сродак мэтадон у асабліва буйным памеры — 91 упакоўка», — паведамілі ў МУС Грузіі.
Расьсьледаваньне вядуць паводле артыкулу 260 часткі 6 пункту «а» Крымінальнага кодэксу Грузіі, які прадугледжвае за гэтае злачынства пазбаўленьне волі да 20 гадоў ці пажыцьцёвае.
Гэта ня першае затрыманьне беларусаў у Грузіі ў 2025 годзе. Як пісаў раней «Позірк», 21 лютага МУС Грузіі паведамляў пра затрыманьне за распаўсюд наркотыкаў 22 чалавек, у тым ліку грамадзян Беларусі, Украіны, Ярданіі і Турэччыны. Тады праваахоўнікі падчас ператрусаў у дамах і іншых месцах сканфіскавалі «асабліва шмат» розных відаў наркотыкаў, сярод якіх гераін, бупрэнарфін, экстазі, субаксан, мэтадон, амфэтамін, мэфэдрон, альфа-ПВП і марыхуана. Колькі беларускіх грамадзян затрымалі, не паведамлялася.
Форум