Лінкі ўнівэрсальнага доступу

Колькасьць загінулых у выніку землятрусу ў М’янме перавысіла дзьве тысячы


Мндалай, М'янма, 30 сакавіка 2025 году.
Мндалай, М'янма, 30 сакавіка 2025 году.

Колькасьць загінулых у выніку землятрусу ў М’янме дасягнула 2056 чалавек, яшчэ 3900 пацярпелі. 270 чалавек прапалі бязь вестак, паведамляе агенцтва «Сіньхуа». Кіруючая ў краіне вайсковая хунта аб’явіла нацыянальную жалобу, якая працягнецца да 6 красавіка.

Праз тры дні пасьля землятрусу ратавальнікі працягваюць пошукі людзей пад заваламі. У сталіцы Тайлянду Бангкоку ратавальнікі дасталі яшчэ адно цела з-пад завалаў хмарачоса, які будуецца, такім чынам агульная колькасьць загінулых у выніку разбурэньня будынку дасягнула 12. Усяго ў Тайляндзе загінулі 19 чалавек, яшчэ 75 чалавек да гэтага часу лічацца зьніклымі бязь вестак.

Землятрус магнітудай 7,7 адбыўся ў пятніцу, 28 сакавіка. Большая частка разбурэньняў прыпала на Мандалай — другі па велічыні горад М’янмы з насельніцтвам больш за мільён чалавек. Побач Мандалаем знаходзіўся эпіцэнтар падземных штуршкоў. Штуршкі адчуваліся таксама ў Тайляндзе, Віетнаме і Кітаі.

30 сакавіка стала вядома, што кіраўніцтва Беларусі вырашыла дапамагчы ўладам М’янмы. Самалёт зь беларускімі ратавальнікамі з падразьдзелу «Зубр» вылецеў у азіяцкую краіну.

28 саакавіка, калі адбыўся землятрус, у М'янме зь візытам знаходзілася беларуская афіцыйная дэлегацыя на чале зь міністрам абароны Віктарам Хрэніным.



Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG