Пантыфік памахаў рукой з гаўбца рымскай лякарні Джэмэльлі перад сваёй чаканай выпіскай з мэдычнай установы ў другой палове дня.
88-гадовы Францішак быў шпіталізаваны 14 лютага зь цяжкай рэсьпіраторнай інфэкцыяй, якая прывяла да самага сур’ёзнага пагаршэньня стану ягонага здароўя за 12 гадоў папства.
У суботу лекары заявілі, што кіраўніку Рымска-Каталіцкай царквы спатрэбіцца «яшчэ шмат часу для акрыяньня», і што яны рэкамэндавалі пантыфіку два месяцы адпачынку. «Пацыенты з двухбаковай пнэўманіяй крыху трацяць голас, і асабліва пажылым людзям неабходны час, каб голас вярнуўся ў норму», — адзначыў доктар Сэрхіё Альфʼеры.
За час у клініцы Джэмелі ў папы Рымскага, з словаў лекараў, было «два крытычныя эпізоды», якія паставілі яго жыцьцё ў небясьпеку. Цяпер ён ужо не пакутуе на пнэўманію, і знаходзіцца ў стабільным стане.
Яшчэ ва ўзросьце 21 года будучаму папу Францішку, народжанаму Хорхе Марыё Бэргольлё, выдалілі частку лёгкага, з тых часоў ён асабліва схільны да захворваньняў дыхальных шляхоў.
Форум