«Ніякіх выцечак, узломаў або зьліваў няма. Ніводны наш рэсурс не пацярпеў. Усе нашыя крыніцы на сувязі, і праца зь імі ідзе ў абсалютна штатным рэжыме. Так, былі пэўныя праблемы пасьля нападу на [Тэлеграм-канал Беларускі] Гаюн, але цяпер сытуацыя нармалізавалася», — напісаў ён.
Жыгар дадаў:
«Безумоўна, дзейнасьць арганізацыі BelPol выклікае вар’яцкае раздражненьне ў рэжыму. Дыскрэдытаваць нас — гэта па сутнасьці адна з самых галоўных задач на сёньняшні дзень. Бо мы адзіныя, хто цяпер рэальна аказвае супраціўленьне сыстэме, штораз выкрывае карупцыйныя схемы, абыход санкцый, паказвае як Лукашэнка ўдзельнічае ў вайне супраць Украіны, ня словам, а справай актыўна прасоўвае ідэю ціску на рэжым.
Таксама BelPol адны зь нешматлікіх, хто аргумэнтавана выступае супраць легітымізацыі рэжыму, зьняцьця санкцый і дыялёгу з сыстэмай».
7 лютага маніторынгавы праект «Беларускі Гаюн» паведаміў аб спыненьні працы. За два дні да таго стваральнік канала «Беларускі Гаюн» Антон Матолька паведаміў пра ўзлом бота і папярэдзіў грамадзян, якія адсылалі інфармацыю ці пісалі з акаўнтаў, што могуць іх ідэнтыфікаваць, пра пагрозу іхнай бясьпецы.
Форум