Намесьнік старшыні праўленьня Нацбанку РБ Дзьмітры Калечыц расказаў, як вырасла доля безнаяўных разьлікаў па картках і ў раздбробным гандлі.
Паводле статыстыкі Нацбанку, з агульнай колькасьці апэрацый з банкаўскімі карткамі толькі 4,3% зьвязаныя з гатоўкай. З 2020 году доля такіх апэрацый зьменшылася ўдвая.
Праўда, у грошах доля гатоўкі ўсё яшчэ вялікая — крыху менш за 29%. Але гэта ўжо значна менш, чым здымалі беларусы ў 2020 годзе — тады на картачныя апэрацыі з гатоўкай прыходзілася амаль 40%.
У тавараабароце ўраздроб доля безнаяўных разьлікаў за апошнія чатыры гады вырасла з 48,3 да 60,8%. Паводле зьвестак Нацбанку, акрамя банкаў, сёньня на рынку Беларусі працуюць 66 пастаўшчыкоў плацежных паслуг.
Форум