Палітвязьня затрымалі па вызваленьні з калёніі
Палітвязьня Сяргея Дзецука затрымалі па вызваленьні з калёніі. Яго будуць судзіць за «злоснае непадпарадкаваньне адміністрацыі калёніі», даведаліся праваабаронцы.
39-гадовага Дзецука затрымалі ў сакавіку 2021 году. Тады сілавікі прыйшлі затрымліваць ягоную маці, хацелі забраць у яе тэлефон. На абарону маці стаў Сяргей. У выніку яго абвінавацілі ў «гвалце альбо пагрозе прымяненьня гвалту ў дачыненьні да супрацоўніка органаў унутраных спраў» (арт. 364 КК). Прысудзілі 3 гады калёніі. Тэрмін Дзяцук адбываў у барысаўскай калёніі № 14.
Паводле інфармацыі «Гомельскай Вясны», Сяргей меўся выйсьці на волю па заканчэньні тэрміну ў сакавіку 2024 году. Але адразу, як выйшаў, яго затрымалі ў рамках новай крымінальнай справы паводле арт. 411 КК («Злоснае непадпарадкаваньне патрабаваньням адміністрацыі калёніі»).
20 чэрвеня ў судзе Барысаўскага раёну пачнецца новы суд. Справу будзе разглядаць Людміла Зінкевіч.
Адрас палітвязьня: Сьледчая турма № 8. 222163, г. Жодзіна, вул. Савецкая, 22А.
Арыштавалі назіральніцу на выбарах 2020-га
Назіральніцу за выбарамі 2020 году Гражыну Гетку адправілі пад арышт. Гражыну затрымалі ў Бярозаўцы яшчэ 5 чэрвеня. Паводле інфармацыі праваабаронцаў, яе арыштавалі на 10 дзён. Паводле якога артыкула судзілі, невядома.
Гэта ўжо другое затрыманьне Гражыны Геткі за гэты год — пры канцы зімы ёй прызначылі 25 содняў арышту, піша «Вясна назірае».
СК пачаў спэцыяльнае вядзеньне па «палітычных» артыкулах супраць інструктара па рукапашнаму бою Генадзя Капітанава
Спэцыяльная вытворчасьць распачата 7 чэрвеня супраць 43-гадовага Генадзя Капітанава, сьведчыць абноўлены пералік на сайце Сьледчага камітэту.
Як атрымалася высьветліць «Позірку», мужчына – атэставаны інструктар па краў-мага (распрацаваная ў Ізраілі ваенная сыстэма рукапашнага бою) са стажам заняткаў больш за 10 гадоў. Капітанаў быў адным з двух беларускіх спартоўцаў, якія ўдзельнічалі ў першым афіцыйным чэмпіянаце сьвету па спартыўным напрамку адзінаборства ў 2017 годзе ў Ізраілі, а таксама судзьдзёй першых спаборніцтваў па краў-чараўніку ў Менску ў 2019 годзе.
Капітанаў заяўляецца фігурантам справы па шэрагу артыкулаў Крымінальнага кодэксу, якія ўлады апошнім часам ужываюць для перасьледу па палітычных матывах, у тым ліку для завочных судоў: ч. 1 арт. 130 («распальваньне расавай, нацыянальнай, рэлігійнай або іншай сацыяльнай варожасьці або звады»), ч. 3 арт. 361 («заклікі да мераў абмежавальнага характару (санкцый), іншых дзеяньняў, накіраваных на прычыненьне шкоды нацыянальнай бясьпецы Беларусь), ч. 1 арт. 368 (абраза прэзыдэнта») і арт. 369 («абраза прадстаўніка ўлады»).
Форум