Судзьдзя прызнала, што Трамп справакаваў беспарадкі. Пры гэтым у судовым рашэньні асобна пазначана, што ён можа балятавацца на выбарах прэзыдэнта ў 2024 годзе, адзначае Associated Press.
Прадстаўнік экс-прэзыдэнта ў судзе катэгарычна адпрэчыў дачыненьне Трампа да штурму Капітолія.
Раней аналягічныя рашэньні вынесьлі суды ў Мінэсоце і Мічыгане.
Справы аб дыскваліфікацыі Трампа разглядаюцца ў адпаведнасьці з 14-й папраўкай да Канстытуцыі ЗША, якая забараняе займаць дзяржпасаду пасьля ўдзелу ў мяцяжы ці паўстаньні супраць краіны.
Аўтары пазоваў патрабуюць не дапусьціць Трампа да выбараў, абвінавачваючы яго ў падбухторваньні да нападу на Белы дом у студзені 2021 года з мэтай перашкодзіць Кангрэсу зацьвердзіць перамогу Джо Байдэна на прэзыдэнцкіх выбарах 2020 года.
Паводле апошніх апытаньняў, Трамп лідзіруе на папярэдніх выбарах Рэспубліканскай партыі. У выпадку перамогі на праймэрыз ён атрымае права ўдзельнічаць ва ўсеагульных выбарах прэзыдэнта і скласьці верагодную канкурэнцыю цяперашняму прэзыдэнту ЗША дэмакрату Джо Байдэну.
