Па вынікам таргоў на Беларускай валютна-фондавай біржы даляр падаражэў на 0,13% — да 3,3376 рубля. Эўра перасягнуў псыхалягічную адзнаку 3,5 рубля (падаражэў на 0,36%).
Максымум у эўра быў у сакавіку 2022-га, калі яно наблізілася да 3,7 беларускага рубля.
Даляр ЗША сёньня умацаваўся на 0,13%, да 3,3376 рубля. Гэта новы рэкорд, папярэдняга максымуму даляр дасягнуў на таргах 3 кастрычніка — 3,3326 рубля.
У той жа час расейскі рубель 5 кастрычніка працягваў таньнець, зьнізіўшыся на 0,06%, да 3,3523 беларускага рубля за сотню расейскіх.
Днём 5 кастрычніка ў беларускіх абменьніках даляр можна было здаць па 3,31–3,3322 беларускага рубля, а набыць — за 3,3360–3,3480 рубля, эўра банкі скупляюць па 3,502, а прадаюць па 3,505 рубля, піша officelife.media.
У верасьні даляр у Беларусі падаражэў на 2,29%. Па выніках 2022 году Беларусь заняла трэцяе месца на тэрыторыі былога СССР у росьце афіцыйнага курсу даляра (+7,39%).
