У сваім выступе Ціханоўская заклікала падтрымліваць беларусаў, якія змагаюцца за свабоду, расказала гісторыі Марыі Калеснікавай, Ніны Багінскай, Паліны Шарэнды-Панасюк, Вольгі Залатар, Кацыярыны Андрэевай, Дар’і Лосік, Натальлі Суславай.
«У часы вайны відавочна, што чым больш жанчын у палітыцы, тым больш суперажываньня, чалавечнасьці і мудрасьці ў нашых рашэньнях. Гэта менавіта тое, што патрэбна нам у сьвеце цяпер і заўсёды».
«Барацьба беларускіх жанчын, якая пачалася ў 2020 годзе, ня скончылася. Перамога беларусаў над дыктатарскім рэжымам Лукашэнкі непазьбежная. Перамога Ўкраіны над расейскім рэваншызмам — пытаньне часу і нашай салідарнасьці. Перамога дэмакратыі над тыраніяй — наша агульная задача і абавязак», — заявіла Ціханоўская, якую цытуе яе прэсавая служба.
У Бруселі Сьвятлана Ціханоўская сустрэлася таксама з прэзыдэнткай Эўрапарлямэнту Рабэртай Мэтсолай і пагаварыла зь іншымі ўдзельніцамі саміту, асобна — з украінскімі дэпутаткамі зь Вярхоўнай Рады.
