Аналягічнае рашэньне прынятае і наконт старонкі яго жонкі Веранікі Цапкала ў «Інстаграме», на якую падпісана 25,6 тыс. карыстальнікаў.
7 красавіка 2023 года Менскі абласны суд завочна прыгаварыў Валерыя Цапкалу да 17 гадоў пазбаўленьня волі. Сам палітык пакінуў краіну ў ліпені 2020 года, баючыся крымінальнага перасьледу. Пазьней да яго пераехала жонка і дзеці.
Паводле сьпісу на сайце Мінінфарма, 25 траўня суд Цэнтральнага раёна Менска прызнаў «экстрэмісцкімі матэрыяламі» кантэнт гурта FaceOFF у сацсетцы «УКантакце» (896 удзельнікаў) і яго музычныя творы «Пора!!», «Стражи галактики», «Ненависть» і «Весна».
Характэрна, што ў пераліку двойчы згадваецца нейкі «суд Барысаўскага раёна Менска» (паколькі ў сталіцы такога раёна няма, гаворка, верагодна, пра суд Барысаўскага раёна Мінскай вобласьці). Гэты суд 26 траўня палічыў «экстрэмісцкім» зьмест тэлеграм-чатаў «Chat ОСВОБОЖДЕНИЕ БЕЛАРУСИ» (11 удзельнікаў), «Широкая» (39), «Правые беседы» (не існуе), груп «Взрыватель пуканов» (158) ва «УКантакце», а таксама «Фэйсбуку» — «Досыць бояцца!» (3.200), «Солидарность с Хартия-97» (31.000), «Август2020» і «Вольны Беларус» (недаступныя).
Суд Чыгуначнага раёна Віцебска 26 траўня прыняў аналягічнае рашэньне па кантэнту тэлеграм-чата «Чат Московский 74 да 1-6» (37).
