Гурт «Петля пристрастия» выпусьціў упершыню трэк па-беларуску. Песьня называецца «Жыцьцё як жах».
Паслухаць песьню можна на Spotify і Deezer.
«Атрымалася. І нічога не спатрэбілася звышнатуральнага ў працэсе стварэньня, яна выляцела лёгка, нібы ўжо даўно лунала ў паветры і трэба было яе толькі ўхапіць. Як птушка. Як жыцьцё. Як жах», – пракамэнтаваў гурт у сацсетках.
Гурт мае расейскую назву «Петля пристрастия», ён быў створаны ў 2004 годзе вакалістам Ільлём Чарапко-Самахвалавым і басістам Цімафеем Савіцкім. У 2009 годзе выйшаў дэбютны альбом гурту «Всем доволен».
Гурт «Петля пристрастия» падтрымліваў беларускіх пратэстоўцаў у 2020 годзе, прысьвяціў падзеям сінгл «Норма», які пасьля ўвайшоў у альбом «Ня той чалавек» (2021). Музыкі выступалі на «плошчы Перамен» у Менску.
22 лістапада 2020 году ў Менску падчас «Маршу супраць фашызму» быў затрыманы вакаліст і лідэр групы Ільля Чарапко-Самахвалаў.
