46-гадовага грамадзяніна Беларусі абвінавачваюць у дапамозе нелегальнаму перасячэньню мяжы сама меней траім грамадзянам Сырыі. Яму выставілі абвінавачаньне ў арганізацыі нелегальнай міграцыі, паведамілі ў Памежнай службе Польшчы.
Беларуса і нерэгулярных мігрантаў затрымалі польскія памежнікі летась у кастрычніку, калі яны накіроўваліся ад мяжы ў бок Нямеччыны.
Таксама затрымалі кіроўцу аўтамабіля, які вёз сырыйцаў па ўказаньні беларуса.
Нерэгулярных мігрантаў пакаралі 6 месяцамі зьняволеньня з адтэрміноўкай, а грамадзіна Беларусі арыштавалі да суду на тры месяцы. Дома ў яго таксама знайшлі тры мабільныя тэлефоны і чатыры SIM-карты, якія сталі доказамі ў справе.
Калі мужчыну прызнаюць вінаватым, яму пагражае ад 6 месяцаў да 8 гадоў зьняволеньня.
