Польшча ў аднабаковым парадку прыпыніла пасажырскія чыгуначныя рэйсы ў/зь Беларусі яшчэ ў сакавіку 2020 году ў сувязі з пандэміяй каранавірусу, з таго часу польскае Міністэрства інфраструктуры працягвала забарону на зносіны паміж дзьвюма краінамі, піша Zerkalo.
Апошні раз пастанова аб адмене перавозак дзейнічала да 30 красавіка. З 1 траўня яе не працягнулі. Аднак польскі бок пакуль не плянуе аднаўляць рух цягнікоў у Беларусь.
«Разам з PKP Intercity мы не плянуем запускаць злучэньне зь Беларусьсю — гэта вынікае зь бягучага гадавога раскладу, які дзейнічае да 9 сьнежня гэтага году», — заявіў прадстаўнік МЗС Польшчы Шыман Гуптыш.
У Дзяржаўным памежным камітэце Беларусі адмову польскага боку аднаўляць перавозкі назвалі «палітызаваным рашэньнем» ды «ігнараваньнем інтарэсаў уласных грамадзянаў, вымушаных стаяць у шматкілямэтровых чэргах на польска-беларускай мяжы».
