Афіцыйна прэс-сакратар Крамля Дзьмітрый Пяскоў абвяргае гэтую інфармацыю. Але адрозьненьні ў зьнешнасьці прэзыдэнта РФ у розных абставінах кідаюцца ў вочы. Цідэ падсумоўвае асноўныя непадабенствы ў выявах Пуціна:
- падбародзьдзе: то выступае, то скошанае
- вусны: то вузкія, то надзьмутыя
- нос: то выпуклы, то кірпаты
- павекі: то зь мяшкамі, то без
- вушы: розныя мочкі; зморшчыны ля казелка часам ёсьць, а часам няма; адлегласьць паміж вачыма і вушамі адрозьніваецца
- рост: раней Пуцін (рост 170 см) зьяўляўся ў спэцыяльных чаравіках са схаваным абцасам. Цяпер у яго часам бачны звычайны абцас
Журналіст адзначае, што «арыгінальны Пуцін» дакладна зьяўляўся на сустрэчы з Сі Цзіньпінам і адчытваў чыноўнікаў у Крамлі. А адрозны ад яго нехта быў на сустрэчы са студэнтамі ў МДУ, на пахаваньні экс-кіраўніка Башкірыі, у Марыупалі і ў Херсонскай вобласьці.
