Чурыкава нарадзілася ў 1943 годзе ў башкірскім Белебеі, дзе яе бацькі-навукоўцы знаходзіліся ў эвакуацыі. У юнацтве пачала граць у тэатры, паступіла ў тэатральную вучэльню імя Барыса Шчукіна. Служыла ў Маскоўскім тэатры юнага гледача і «Ленкоме».
Чурыкава выконвала як камэдыйныя, так і трагедыйныя ролі. Яна была жонкай барона Мюнхгаўзена ў фільме Марка Захарава і непрафэсійнай актрысай у «Пачатку», таксама грала ў фільмах «Мёртвыя душы» і «Кур’ер». Актрыса працягвала служыць у тэатры, некалькі апошніх месяцаў займалася лячэньнем траўмы, зьвязанай з падзеньнем са сцэны ўлетку 2022 году.
Чурыкава выступала ў падтрымку журналісткі Вікторыі Іўлевай, затрыманай за пікет у падтрымку расейскага праваабарончага таварыства «Мэмарыял». Сярод іншых падпісала ліст у Вярхоўны суд Карэліі з просьбай перадаць справу гісторыка Юрыя Дзьмітрыева ў суд іншага рэгіёна Расеі.
