«Большасьць чальцоў рашуча асудзілі вайну ва Ўкраіне», — гаворыцца ў дэклярацыі, якая адзначае, што Расея, удзельніца G20, выступіла супраць гэтай фармулёўкі. Reuters паведамляе, што пакуль невядомыя пазыцыі Кітая і Індыі, якія ў сакавіку ўстрымаліся ад прыняцьця аналягічнай рэзалюцыі ААН.
Прынамсі тры дыпляматы заявілі Reuters, што заява, у якой прызнаецца, што «існуюць розныя погляды і розныя ацэнкі сытуацыі», была ўхвалена аднагалосна.
«Выкарыстаньне або пагроза выкарыстаньня ядзернай зброі недапушчальныя. Важна трымацца міжнароднага права і шматбаковай сыстэмы, якая гарантуе мір і стабільнасьць. Гэта ўключае ў сябе абарону ўсіх мэтаў і прынцыпаў, замацаваных у Статуце Арганізацыі Аб’яднаных Нацый, і захаваньне міжнароднага гуманітарнага права», — таксама гаворыцца ў дэклярацыі.
- Прэзыдэнт Уладзімір Зяленскі 15 лістапада зьвярнуўся да ўдзельнікаў саміту G20 у рэжыме онлайн. Ён прадставіў прапановы рашэньняў для міру і сказаў, што Кіеў прапануе вядучым дзяржавам сьвету быць сутворцамі міру разам з Украінай. Прапановы Ўкраіны ўключаюць вывад расейскіх войскаў і спыненьне ваенных дзеяньняў.
