«Двух мужчын выцягнулі на бераг. Іх рэанімавалі, мэдыкі аказалі ім дапамогу. Каманда ратавальнікаў, вадалазаў і верталёт шукалі мужчыну ў моры», — піша ён.
Раніцай у нядзелю, 24 ліпеня, кіраўнік ратавальнікаў «Клайпэдзкія пляжы» паведаміў выданьню AtviraKlaipeda.lt, што цела патанулага дагэтуль не знайшлі.
«У суботу ў моры былі вялікія хвалі, узьнялі чырвоны сьцяг. Трое хлопцаў зь Беларусі купаліся і трапілі ў адбойную хвалю. Двух мы выратавалі, адзін зьнік бязь зьвестак», — паведаміў ён.
Паводле яго, усе трое грамадзян Беларусі працуюць у адной фірме, зарэгістраванай у Троках.
Паліцыя паведаміла, што ў 41-гадовага выратаванага мужчыны ў крыві было 1,26 прамільле алькаголю. Другі 38-гадовы мужчына, якога выратавалі, быў цьвярозы.
Паведамляюць, што мужчына, які зьнік бязь зьвестак, 1980 года нараджэньня.
Сёлета гэта першая ахвяра на пляжы ў Клайпедзе.
