Пра гэта паведамляе партал church.by.
Удзельнікі пасяджэньня Сыноду пастанавілі абраць Правялебным Пінскім і Лунінецкім архімандрыта Георгія (Вайтовіча), Правялебным Слуцкім і Салігорскім ‒ ігумена Яўсевія (Цюхлова).
Архімандрыт Георгій (Вайтовіч) — клірык Варварынскага жаночага манастыра ў Пінску, ён зьяўляўся эканомам Пінскай япархіяльнай управы.
Ігумен Яўсевій (Цюхлоў) — намесьнік Елісееўскага Лаўрышаўскага мужчынскага манастыра Наваградзкай япархіі.
У 2017 годзе ігумен Яўсевій стаў ляўрэатам прэміі «За духоўнае адраджэньне» за «важкі ўнёсак у духоўна-маральнае і патрыятычнае выхаваньне моладзі, арганізацыю дзейнасьці мужчынскага манастыра і аказаньне дапамогі людзям у цяжкой жыцьцёвай сытуацыі, а таксама асобам, якія цярпяць ад наркаманіі і алькагалізму».
