Новыя меры ўключаюць у сябе забарону на імпарт вугалю, драўніны, цэмэнту, морапрадуктаў, ікры, а таксама на экспарт тавараў, якія «могуць садзейнічаць умацаваньню прамысловага патэнцыялу Расеі» (такіх як прамысловыя робаты або хімічныя прадукты).
Забарону на экспарт банкнотаў і продаж каштоўных папераў грамадзянам Беларусі пашырылі на ўсе афіцыйныя валюты дзяржаў Эўразьвязу. Раней гэта тычылася толькі каштоўных папераў і банкнотаў у швайцарскіх франках і эўра.
«У Швайцарыі больш нельга рэгістраваць трасты для грамадзян Расеі або фізычных ці юрыдычных асоб, якія зьяўляюцца рэзыдэнтамі Расеі. Розныя паслугі для такіх трастаў таксама будуць забароненыя», — гаворыцца ў паведамленьні на сайце ўраду Швайцарыі.
