Сьледзтва ў справе бізнэс-аналітыка IT-кампаніі EPAM Дзяніса Насуры завершана, паведаміў праваабарончы цэнтар «Вясна». Матэрыялы расьсьледаваньня перадалі ў пракуратуру для накіраваньня ў суд.
Насуру затрымалі 9 сьнежня 2021 году. Спачатку яго арыштавалі на 13 сутак па артыкуле 19.11 КаАП (распаўсюд інфармацыйнай прадукцыі, уключанай у сьпіс экстрэмісцкіх матэрыялаў).
31 сьнежня Насуру прад’явілі абвінавачаньне паводле ч. 1 арт. 342 КК (арганізацыя і падрыхтоўка дзеяньняў, што груба парушаюць грамадзкі парадак, або актыўны ўдзел у іх). З гэтага часу ён знаходзіцца ў менскім СІЗА № 1 на вул. Валадарскага.
11 студзеня праваабаронцы прызналі Насуру палітвязьнем.