Сьпявачка Оля Палякова: У беларусаў ёсьць шанец спыніцца

Папулярная ўкраінская сьпявачка Оля Палякова ў эфіры Свабоды Premium заклікала беларусаў не ўдзельнічаць у агрэсіі Расеі супраць Украіны і спрабаваць любымі спосабамі спыніць вайну. Сьпявачка, чые канцэрты ў Беларусі праходзілі з аншлягам, расказала, што ніхто зь беларускіх эстрадных выканаўцаў, зь кім яна разам выступала на фэстывалях ці супрацоўнічала, не зьвязаўся зь ёй і ня выказаў падтрымку.