На чыгуначны вакзал Ужгараду прыбываюць эвакуаваныя з Кіева, Харкава, Херсону і Лісічанску. У дзень прымаюць каля дзесяці цягнікоў. Наведнікаў сустракаюць некалькі групаў валянтэраў, якія дапамагаюць з харчаваньнем, жытлом, інфармацыйнай і псыхалягічнай падтрымкай.
Як ідзе эвакуацыя ад расейскай агрэсіі з усходу на захад Украіны. ФОТАГАЛЕРЭЯ
абноўлена
1
Асобна выдаюць дзіцячае харчаваньне
2
У пачакальні абсталявалі часовую кухню. Ужгарад, Закарпацкая вобласьць, Украіна, 3 сакавіка 2022 году
3
Раздача ежы
4
Валянтэры кормяць людзей
5
Дзеці на вакзале
6
Рэстаратары прывозяць стравы на вакзал наўпрост з сваіх кухняў
7
Аксана Тэгза з аддзелу апэратыўнага рэагаваньня Чырвонага Крыжа кажа, што з тымі, хто ўцякае ад вайны, важна размаўляць: «Мы арганізоўваем людзей, дапамагаем інфармацыяй, пры патрэбе аказваем першую дапамогу. Людзі ў разгубленасьці. Адна жанчына проста заплакала на маім плячы. Усё, што можна зрабіць для чалавека, — мы робім».
8
Валянтэры апавядаюць, што тутэйшыя людзі гатовыя несьці на вакзал уласныя запасы
9
Таксама валянтэры прапануюць бясплатна завезьці эвакуаваных да іх дамоў
10
Іна вучыцца на гештальт-тэрапэўта. Яна дзяжурыць на станцыі разам зь дзесяцьцю іншымі псыхолягамі. Зьмена — 3-4 гадзіны, некаторыя застаюцца даўжэй. «Большасьць людзей, якія прыходзяць, агаломшаныя. Мы іх спыняем, кажам, што яны ў бясьпецы, падказваем, дзе паесьці і ўладкавацца», — тлумачыць дзяўчына.
11
Гарадзкая рада Ужгараду вылучыла грамадзкі транспарт для бясплатнага падвозу эвакуаваных у каардынацыйны цэнтар «Савінае гняздо», адкуль людзей таксама падвозяць да месцаў часовага жыхарства.
12
Таксама бясплатныя аўтобусы курсуюць да пунктаў пропуску на мяжы са Славаччынай — Ужгарад і Малыя Селмянцы і з Вугоршчынай — Ціса.
13
Свойскія жывёлы могуць вытрымаць у цягніку 20 гадзін і больш.
Катэгорыі
- Мультымэдыя
- Відэа
