Камітэт міністраў Рады Эўропы распачаў працэдуру прыпыненьня сяброўства Расеі ў Радзе Эўропы
Пра гэта паведамляе РБК.
Пуцін прапанаваў украінскім вайскоўцам браць «уладу ў свае рукі»
«Бярыце ўладу ў свае рукі. Падобна, нам з вамі будзе лягчэй дамовіцца, чым з гэтай хэўрай наркаманаў і нэанацыстаў, якая засела ў Кіеве і ўзяла ў закладнікі ўвесь украінскі народ», піша РБК.
Чэхія закрывае сваю паветраную прастору для расейскіх самалётаў
Пра гэта паведаміў кіраўнік Міністэрства транспарту Чэхіі Марцін Купка. Раней паветраную прастору для расейскіх авіякампаній закрыла Польшча, піша РБК.
Напад на вайсковую частку ў Кіеве ўдалося адбіць
Кіеўская гарадзкая адміністрацыя паведаміла, што на вуліцах ідуць актыўныя баявыя дзеяньні
Улады параілі жыхарам не падыходзіць да вокнаў, схавацца ў зачыненым памяшканьні, напрыклад, у ваннай. Тым жа, хто знаходзіцца ў спэцыяльным сховішчы, яго не пакідаць.
Баі з расейскімі дывэрсантамі ў Кіеве працягваюцца
Узброеныя сілы Ўкраіны выцясьняюць расейскія дывэрсійна-разведвальныя групы з Кіева, паведаміла 26 лютага намесьніца старшыні Камітэта нацыянальнай бясьпекі Мар'яна Бязугла.
«Узброеныя сілы Украіны выцясьняюць ДРГ (дывэрсійна-разведвальныя групы) з Кіева. Баі працягваюцца», – напісала яна.
Афіцыйна аб выцясьненьні ДРГ са сталіцы Ўкраіны вайсковае камандаваньне пакуль не заявіла.
Вайсковая тэхніка ля мяжы Беларусі і Ўкраіны
На спадарожнікавых здымках, атрыманых вечарам 25 лютага, бачна некалькі вялікіх груповак расейскіх вайскоўцаў і каля 150 транспартных верталётаў на поўдні Беларусі прыкладна за 30 км ад украінскай мяжы. Здымкі апублікавала прыватная амерыканская кампанія Maxar Technologies, якая даўно адсочвае перамяшчэнне расейскіх войскаў каля межаў Украіны.
Падбітыя расейскія танкі пад Херсонам
Жыхары Сумскай вобласьці расказваюць аб абстрэлах і бомбах
Баі ў горадзе Васількове Кіеўскай вобласьці, сярод абаронцаў 200 параненых, ёсьць забітыя
У Васількове ідзе бой на цэнтральнай вуліцы горада імя Дзекабрыстаў – пра гэта паведаміла ў эфіры канала «Рада» мэр гораду Натальля Баласіневіч.
«У нас вельмі жорсткія баі на галоўнай вуліцы горада... Яна цалкам занятая баямі. На шчасьце, зараз ёсьць добрая інфармацыя, якую я не магу агучыць у эфіры. Мы бачым, што нашы Ўзброеныя сілы вельмі згуртаваныя, іх тактыка вельмі прадуманая, ёсьць вялікая дапамога», – сказала яна.
Пры гэтым Баласіневіч адзначыла, што сярод абаронцаў горада ёсьць страты.
«На жаль, 200 параненых, але мы верым у нашых салдат і перакананыя, што і Васількаў, і Кіеў, усе астатнія ўкраінскія гарады, абавязкова выжывуць».
Генштаб Узброеных сіл Украіны пацьвердзіў атрыманьне боепрыпасаў з Польшчы
Украінскае ваеннае камандаваньне распаўсюдзіла заяву міністра абароны Польшчы Марыюша Блашчака.
«Калёна з боепрыпасамі, якія мы перадаем Украіне, ужо прыбыла да нашых суседзяў. Мы падтрымліваем украінцаў, мы салідарныя і рашуча выступаем супраць расейскай агрэсіі», – гаворыцца ў паведамленьні.
Генштаб Украіны падзякаваў народу і ўладам Польшчы за дапамогу і «падтрымку сувэрэнітэту і тэрытарыяльнай цэласнасьці Украіны ў яе міжнародна прызнаных межах, уключаючы Крым».
Вялікія чэргі ўцекачоў з Украіны на межах з Польшчай
На мяжы з Польшчай чарга аўтамабіляў ледзь рухаецца, не зьмяншаецца. Пешых людзей становіцца ўсё больш. На пераходзе Кракавець стаіць каля 500 чалавек, людзям на вуліцы холадна.
Сьпявачка Мадонна выступіла ў падтрымку Ўкраіны і параўнала Пуціна з Гітлерам
«Пуцін парушыў усе дзейныя пагадненьні аб правах чалавека. Пуцін не мае права спрабаваць сьцерці Ўкраіну з твару Зямлі. Мы падтрымліваем вас, прэзыдэнт Зяленскі! Мы молімся за вас і вашу краіну! Дабраславі вас усіх Бог!», – сказала Мадонна ў кліпе.
Стралковы бой чуваць у Пячэрскім раёне Кіева
Пра гэта сьведчаць відэа з камэр назіраньня.
Канада ўводзіць санкцыі супраць Пуціна і Лукашэнкі за «варварскі напад» на Ўкраіну
Аб гэтым міністарка фінансаў Канады Хрысьця Фрыланд напісала ў Facebook:
«Сёньня мы прымаем дадатковыя захады. Мы накладаем санкцыі на прэзыдэнта Пуціна за ягоны варварскі напад на Ўкраіну. Мы патрабуем неадкладнага выключэньня Расеі з міжнароднай банкаўскай сыстэмы SWIFT.
Мы ўводзім санкцыі супраць беларускіх лідэраў, якія маюць дачыненьне да ўварваньня ў Расею. Слава Ўкраіне!»
Мікалаеў застаецца пад кантролем украінскіх вайскоўцаў
Пра гэта паведаміў старшыня Мікалаеўскай абласной дзяржадміністрацыі Віталь Кім. «Мікалаеў абараняўся. Супрацьпаветраная абарона адбіла атакі», – сказаў ён. Паводле яго, Узброеныя сілы перашкодзілі высадцы расейскага дэсанту і ў Ачакаве.
Каля станцыі мэтро «Берасцейская» ў Кіеве зьнішчылі калёну расейскай вайсковай тэхнікі
Пра гэта раніцай 26 лютага паведамілі ў Мінабароны Ўкраіны:
«101-я брыгада зьнішчыла калёну: дзьве машыны, два грузавікі з баявым камплектам, танк. Усё спакойна, усе палеглі», – сказалі яны.
Апоўначы 26 лютага прэзыдэнт Украіны Ўладзімір Зяленскі выступіў з чарговым зваротам да народа, у якім заявіў, што сёньняшняя ноч надзвычай важная для лёсу дзяржавы і ўсіх украінцаў.
Армія Ўкраіны паведамляе пра новыя зьбітыя самалёты расейцаў
Генэральны штаб Ўзброеных сіл Украіны паведаміў, што ўкраінскія войскі СПА зьбілі расейскія верталёт і штурмавік Су-25. Быў атакаваны і зьнішчаны ваенна-транспартны самалёт Іл-76 МД. Пад Віньніцай быў збіты расейскі самалёт Су-27.
Ідуць цяжкія баі ў горадзе Васількоў, дзе спрабуе высадзіцца расейскі паветраны дэсант. Актыўныя баі ідуць на вуліцах Кіева.
Расейскі бесьпілотнік атакаваў карабель марской аховы Ўкраіны
Як паведамляе Дзяржаўная памежная служба Ўкраіны, «марскія памежнікі адкрылі агонь па бесьпілотніку, які накіроўваўся да ўзьбярэжжа Ўкраіны. Бесьпілотнік быў зьбіты на падыходзе да Чорнага мора».
Джо Байдэн распарадзіўся неадкладна выдзеліць Украіне 600 мільёнаў даляраў
З іх 350 мільёнаў пойдуць на абарону, а 250 млн Кіеў можа выкарыстаць, як палічыць патрэбным. Пра гэта паведамляе сайт Белага дому.