Беларускі баец Андрэй Арлоўскі працягвае кар’еру ў баях UFC — з траўня 2020 баец з Бабруйску па мянушцы «Пітбуль» правёў у UFC 6 баёў і выйграў у пяці зь іх, піша «Трыбуна». Яму зусім не замінае ўзрост — 43 гады, хаця ў такім веку большасьць байцоў ужо не выступае, або не вылучаецца стабільнасьцю вынікаў.
У Г’юстане (ЗША) на стадыёне «Таёта-цэнтар» Арлоўскі ў ноч з суботы на нядзелю па беларускім часе перамог значна маладзейшага суперніка — 29-гадовага амэрыканца Джарэда Вандэраа. Пры гэтым Вандэраа ў час бою нанёс Андрэю забаронены правіламі ўдар у пахвіну, аднак беларус неўзабаве заявіў, што гатовы працягнуць бой.
Два судзьдзі з трох па заканчэньні бою прызналі пераможцам Арлоўскага, у выніку перамогу ў баі аддалі яму.
Гэты паядынак стаў для 43-гадовага беларуса ўжо 55-м у кар’еры ў ММА, ён заваяваў у іх 33 перамогі. У асобным рэйтынгу дысцыпліны UFC у Андрэя 22 перамогі, і гэта 2-е месца ў рэйтынгу, больш заваяваў толькі Дональд Сэронэ (ЗША).
