Паводле СК, яны аб'ядналіся ў тэлеграм-чаце, які зьяўляецца структурным падразьдзяленьнем ініцыятывы «Буслы ляцяць», што ўваходзіць у нефармальную арганізацыю «Супраціў», прызнаную ў Беларусі тэрарыстычнай. «Іх мэтай быў гвалт у дачыненьні да праваахоўнікаў і службовых асобаў, а таксама пашкоджаньне іх маёмасьці ў сувязі з выкананьнем імі сваіх службовых абавязкаў», — заяўляе СК.
Адрас судзьдзі, яго месца працы і марка аўтамабіля былі разьмешчаныя «ў адным з экстрэмісцкіх тэлеграм-каналаў».
Таксама двое з мужчынаў незадоўга да гэтага зьдзейсьнілі нешта, што СК называе «актам тэрарызму ў дачыненьні да пракурорскага работніка».
Сьледчы камітэт адзначае, што да ўступленьня ў закрыты чат фігуранты пазнаёміліся на дваровых чаяваньнях.
Яшчэ раней СК паведамляў, што затрымаў некалькі чалавек, якія кінулі «кактэйль Молатава» ў будынак міліцыі.
