Аб пажары ў будынку Клімавіцкага раённага цэнтру карэкцыйна-разьвівальнага навучаньня і рэабілітацыі гаворыцца ў апэратыўнай дзённай зводцы Міністэрства надзвычайных сытуацый.
Адзначаецца, што на кухні адукацыйнага цэнтру гарэла духавая шафа.
«Пацярпелых няма. Адміністрацыяй установы з будынку эвакуаваныя 23 чалавекі, зь іх шасьцёра дзяцей. Прычына пажару высьвятляецца», — адзначаецца ў зводцы.
Паводле МНС, за мінулыя дзяжурныя содні (з 6:00 24 верасьня па 6:00 25-га), ад агню ў Беларусі загінулі два чалавекі. Гібель мужчыны 1971 году нараджэньня зафіксавалі ў вёсцы Турышчава Горацкага раёну. Пэнсіянэрка 1951 г. н. загінула на пажары ў вёсцы Баёўка Шумілінскага раёну.
Форум