У Польшчы ліквідавалі падпольную тытунёвую фабрыку. Затрымалі 9 беларусаў і 2 палякаў.
Польскія сілавікі знайшлі падпольную тытунёвую фабрыку ў горадзе Бжузэ Мазавецкага ваяводзтва, паведамляе партал Lublin112.pl. Падчас ператрусу яны выявілі поўную лінію па вытворчасьці тытунёвай прадукцыі, 5,5 мільёна гатовых цыгарэт і 1,4 мільёна злотых наяўнымі (каля 340 тысяч даляраў).
Затрыманыя па падазрэньні ва ўдзеле ў арганізаванай злачыннай групе 9 беларусаў і 2 палякі ўжо пачулі абвінавачаньні пракурора і былі зьмешчаныя за краты на 3 месяцы. Ім пагражае да пяці гадоў пазбаўленьня волі.
