Ліймэц расказала пра інфармацыю, атрыманую ў выніку тэлефоннай размовы паміж канцлеркай Нямеччыны Ангелай Мэркель і Лукашэнкам у панядзелак.
«Ён хоча, каб санкцыі спынілі, каб яго прызналі кіраўніком дзяржавы, каб ён мог працягваць», — сказаў Ліймэц у інтэрвію эстонскай тэлевізіі ETV калі яе спыталі, якія патрабаваньні Лукашэнкі для спыненьня сытуацыі.
Міністарка сказала, што важна захаваць новае пашыранае пагадненьне аб санкцыях, падрыхтаванае міністрамі замежных спраў Эўразьвязу, і ўвесьці новыя санкцыі ў дачыненьні да Беларусі.
«На наш погляд, важна, каб ЭЗ заставаўся адзіным і аказваў свой уплыў на Беларусь празь дзеяньні», — сказала эстонская міністрка, дадаўшы, што новыя санкцыі павінны быць уведзены як мага хутчэй.
У панядзелак міністры замежных спраў ЭЗ пагадзіліся, што санкцыі мусяць быць накіраваныя супраць фізычных і юрыдычных асоб, якія садзейнічаюць незаконнаму перасячэньню вонкавых межаў ЭЗ.
Званок Мэркель Лукашэнку ў панядзелак стаў першым званком заходняга лідэра ад прэзыдэнцкіх выбараў 2020 году. Лідэры ЭЗ не прызнаюць Лукашэнку прэзыдэнтам Беларусі.
